DAF XF-ის და DAF CF-ის მორიგი საერთაშორისო აღიარება

DAF XF და DAF CF მოდელებმა კატეგორიაში „გამორჩეული დიზაინი და ინოვაცია“ მიიღეს პრესტიჟული საერთაშორისო ჯილდო Good Design Award. 55-წევრიანმა ჟიურიმ გამარჯვებულები გამოავლინა 835 სხვადასხვა პროექტს შორის.

ყოველწლიური დაჯილდოება Good Design Award ერთ-ერთი ყველაზე ძველი და პრესტიჟული პრიზია დიზაინისა და ინოვაციების სფეროში. ის 1958 წლიდან იმართება. უნდა აღინიშნოს, რომ CF, LF და XF-ის ახალი თაობის მოდელების გამოჩენის შემდეგ, მათ არაერთი საერთაშორისო ჯილდო დაიმსახურეს, მათ შორის: „წლის საერთაშორისო სატვირთო“, „საუკეთესო სატვირთო ავტოპარკისთვის“, „წლის ყველაზე ეკოლოგიური სატვირთო“, „საუკეთესო სატვირთო მშენებლობისთვის“ და სხვა.

Good Design Award-ის ჟიურიმ DAF-ის მოდელები შემდეგი სიტყვებით შეაფასა:
„მათ შექმნეს სტილის, ფუნქციონალობის, უსაფრთხოების, ეკოლოგიისა და ეფექტურობის ახალი ეტალონი. ამგვარმა ინოვაციურმა მიდგომამ საშუალება მისცა კომპანიას შეექმნა სატვირთო ავტომობილის კონცეფცია, რომელიც ითვალისწინებს როგორც საბოლოო მომხმარებელს, ასევე ბიზნესსა და გარემოს."

სრულყოფილება და დახვეწილი სტილი

კაბინის შიდა ინტერიერის დიზაინი მსუბუქი მანქანის სალონს ჰგავს, რაც ჟიურის აზრით „სატვირთოს მატებს დახვეწილობას“. შიდა სივრცე ერგონომიკულად ოპტიმიზებულია და ასევე იძლევა ინდივიდუალური ოპტიმიზაციის შესაძლებლობას. ინტერიერი დამზადებულია მყარ და ხანგრძლივი გამოყენების მასალებისგან და უზრუნველყოფს სრულყოფილ ვიბროიზოლაციას. ყველა ეს თვისება მძღოლის მაქსიმალურ კომფორტს განაპირობებს.

შრომატევადი მუშაობის შედეგი

DAF-ის მარკეტინგისა და გაყიდვების დირექტორის, რიჩარდ ზინკის, განცხადებით:
„Good Design Award-ის ჯილდო მხოლოდ სრულყოფილი დიზაინის ნიშანი არ არის. DAF Trucks-ისთვის ეს არის გულმოდგინე და შრომატევადი მუშაობის აღიარება, რომლის შედეგიც, ერთის მხრივ, ჩვენი კლიენტების ბიზნესის განვითარება და, მეორეს მხრივ, მძღოლებისთვის კომფორტული პირობების შექმნაა."