DAF Sales Operations Dealer Meeting 2024 - ვაკო მოტორსის წარმატებული მონაწილეობა

"ვაკო მოტორსისთვის" დიდი პატივია, მონაწილეობა მიგვეღო DAF-ის ყოველწლიურ შეხვედრაში - “DAF Sales Operations Dealer Meeting 2024”, რომელიც ნიდერლანდების ქალაქ ეინდჰოვენში გაიმართა.

ეს ღონისძიება ერთ-ერთი ყველაზე მასშტაბური და მნიშვნელოვანი შეხვედრაა, სადაც მსოფლიოს ყველა ოფიციალური DAF დილერი ერთიანდება. მისი მთავარი მიზანია წლიური მიღწევების შეჯამება, ინოვაციური სიახლეების განხილვა და სამომავლო სტრატეგიების განსაზღვრა. ამასთან ერთად, ღონისძიების ფარგლებში დაჯილდოვდნენ ის წარმომადგენლები, რომლებიც განსაკუთრებული შედეგებით გამოირჩეოდნენ და მნიშვნელოვანი წვლილი შეიტანეს DAF-ის გლობალურ წარმატებაში.

„ვაკო მოტორსი“ ყოველთვის ორიენტირებულია, ქართულ ბაზარზე DAF-ის მაღალი სტანდარტები დანერგოს. ჩვენი გუნდი მუდმივად ისწრაფვის, მომხმარებელს უმაღლესი ხარისხის სერვისი და პროდუქცია მიაწოდოს. სწორედ ამიტომ, ასეთი მასშტაბური, საერთაშორისო ღონისძიებები გვაძლევს დამატებით სტიმულს, სიამაყითა და თავდაჯერებით გავაგრძელოთ ჩვენი განვითარების გზა.

DAF Sales Operations Dealer Meeting არის კიდევ ერთი შესანიშნავი შესაძლებლობა, გავუზიაროთ ჩვენი გამოცდილება მსოფლიო დონის დილერებს და გავხდეთ გლობალური პროგრესის ნაწილი.