როგორ მოვუაროთ სატვირთოს ზამთარში?
ზამთარი სატვირთოსთვის ყველაზე „მკაცრი სეზონია“. სიცივის დროს მცირდება აკუმულატორის ეფექტურობა და საბურავის მოჭიდება ზედაპირზე, იზრდება საწვავის მოხმარება და ჰაერის სისტემების გაყინვის რისკი.
აღნიშნული გამოწვევების თავიდან ასაცილებლად, გთავაზობთ რამდენიმე რჩევას, თუ როგორ მოუაროთ სატვირთოს ზამთარში, რათა თქვენი გადაზიდვის პროცესი იყოს უსაფრთხო და უწყვეტი.
- პირველ რიგში უნდა გქონდეთ ახალი აკუმულატორი და გამართული ელექტრო სისტემა.
- შეამოწმეთ დიზელის საწვავის სისტემა, ზეთი და ფილტრები: დაბალ ტემპერატურაზე დიზელში პარაფინის კრისტალები შეიძლება გაჩნდეს და საწვავის გამტარობა შეამციროს.
- ჰაერისა და სამუხრუჭე სისტემები, ABS/EBS: ზამთარში ტენიანობის გამო მილებში ჰაერი შეიძლება გაიყინოს, სარქველები დაზიანდეს და დამუხრუჭებაც არასტაბილური გახდეს.
- ზამთრის საბურავების გამოყენება - ეს ერთ-ერთი მნიშვნელოვანი ფაქტორია, რათა თავიდან აირიდოთ ცვეთა, გზაზე მოსრიალება და დისბალანსი.
- გაგრილების სისტემა და ანტიფრიზი -მუდამ გამოიყენეთ ხარისხიანი ანტფირიზი მომწოდებლის შეზავების მიხედვით. უხარისხო ანტიფრიზის ან წყლის გამოყენების შემთხვევაში იზრდება დაზიანების რისკი, მცირდება ეკონომიურობა და საფრთხე ექმნება გადაზიდვის პროცესს.
ზამთარში სატვირთოს მოვლა ერთ მარტივ წესამდე დადის: გამოწვევას უნდა შეხვდე მანამ, სანამ გზაზე შეგაფერხებს. ზამთრის სიცივე სატვირთოს თითოეულ დეტალზე ზემოქმედებს - აკუმულატორზე, საწვავის სისტემაზე, საბურავებზე, ჰაერისა ან გაგრილების სისტემაზე. რაც ზაფხულში „მცირე დისკომფორტი“ იყო, ზამთარში შეიძლება ზედმეტი ხარჯის მიზეზი გახდეს. ამიტომ, ყველაზე სწორი მიდგომაა სეზონის დაწყებამდე პრევენციული შემოწმება, ხოლო ზამთრის განმავლობაში - რეგულარული კონტროლი.
