რატომ არის მოყინული გზა განსაკუთრებით საშიში სატვირთოებისთვის?
ზამთარში მოყინული გზა ერთ-ერთი ყველაზე სერიოზული გამოწვევაა სატვირთოს მფლობელებისთვის. ყინული მნიშვნელოვნად ამცირებს საბურავის გზასთან მოჭიდებას, ზრდის დამუხრუჭების მანძილს და ამცირებს სატვირთოს სტაბილურობას, განსაკუთრებით მოსახვევებსა და დაღმართზე. ასეთ პირობებში ყველაზე უმნიშვნელო შეცდომაც კი შეიძლება კონტროლის დაკარგვით დასრულდეს.
მოყინულ გზაზე არსებობს რისკები, მათ შორის მუხრუჭის დაგვიანებული რეაგირება, გვერდულად მოცურება, მართვის არაპროგნოზირებადი რეაქცია. ამ რისკების შემცირება კი პირდაპირ დამოკიდებულია იმაზე, თუ როგორი საბურავი უყენია სატვირთოს და რამდენად სწორად არის მათი ზომა შერჩეული.
სატვირთოს საბურავი ერთადერთი კომპონენტია, რომელიც უშუალოდ ეხება გზას. ზამთრის ცივ პირობებში სწორად შერჩეული საბურავი ამცირებს მოსრიალების რისკს. სატვირთო ინდუსტრიაში გავრცელებული ზომებია 315/80 R22.5 და 295/80 R22.5 წამყვანი ღერძის საბურავები, ვინაიდან უზრუნველყოფენ საწვავის ეკონომიას. მისაბმელზე ძირითადად გამოიყენება 385/65 R22.5, რომელიც, ფართო ზედაპირიდან გამომდინარე, ამცირებს მოცურების შანსს.
საბურავის ზომასთან ერთად, გადამწყვეტია მისი მდგომარეობა და რეზინის ხარისხიც. გაცვეთილი პროტექტორი, არასწორი წნევა ან სეზონისთვის შეუფერებელი საბურავი მნიშვნელოვნად ზრდის ავარიის ალბათობას. სატვირთო ინდუსტრიაში ერთ-ერთი გამორჩეული ბრენდებია AEOLUS და BLACKHAWK, რომლებიც გამოირჩევიან პრემიუმ ხარისხის საბურავების წარმოებით და მომხმარებელზე ორიენტირებული გადაწყვეტებით.
შედეგად, მოყინული გზა სატვირთოს მფლობელებისთვის მხოლოდ გარემო ფაქტორი არ არის. ის არის გადაზიდვის პროცესის ეფექტურობისა და უსაფრთხო გადაადგილებისთვის მთავარი საფრთხე, რომლის თავიდან არიდებაც სწორად შერჩეული საბურავითაა შესაძლებელი.
