07/08/2025

5 ნიშანი, რომ შენი სატვირთოს გადაცემათა კოლოფს შემოწმება სჭირდება

სატვირთოს გადაცემათა კოლოფის შემოწმება ვაკო მოტორსის სერვის ცენტრში

სატვირთო ავტომობილის მძღოლისთვის გადაცემათა კოლოფის გამართული მუშაობა მნიშვნელოვან როლს ასრულებს სატვირთო ავტომობილის ეფექტურობაში.

როგორ უნდა გაიგო, რომ კოლოფს პრობლემა აქვს? გიზიარებთ 5 ძირითად ნიშანს, რომლებიც ხშირად მიუთითებს, რომ გადაცემათა კოლოფს სჭირდება დიაგნოსტიკა ან შეკეთება.

1. სიჩქარეების რთულად ან დაგვიანებით გადართვა

თუ შენი სატვირთოს სიჩქარეებს გადართვისას სჭირდება ძალა, გადაცემა იჭედება ან გადართვა იგვიანებს - ეს პირველი მანიშნებელია, რომ მექანიზმში პრობლემაა.

მექანიკურ კოლოფში ამის მიზეზი ხშირად გამოცვლილი გადაბმულობის ნაწილებია, ავტომატურში კი - სენსორების ან შიდა სისტემების გაუმართაობა.

2. ზეთის გაჟონვა კოლოფიდან

გადაცემათა კოლოფის ზეთი უმნიშვნელოვანესია სატვირთოს სწორი ფუნქციონირებისთვის. თუ შენიშნე ზეთის ლაქები სატვირთოს ქვეშ (მუქი წითელი ან ყავისფერი სითხე), აუცილებელია დაუყოვნებელი შემოწმება.

გაჟონვა შეიძლება გამოწვეული იყოს გადაცემათა კოლოფის ჩობალის ან ჰერმენტული სადებების დაზიანებით.

3. მეტალის ან “დარტყმის” ხმა სიჩქარეების გადართვისას

ნებისმიერი უჩვეულო ხმა გადაცემათა კოლოფის პრობლემის ძლიერი სიგნალია.

ზოგიერთ შემთხვევაში ეს გამოწვეულია ძველი ან უხარისხო ზეთის გამოყენებით, თუმცა ხშირად ეს ნიშნავს, რომ შიდა ნაწილები გაცვეთილია და საჭიროებს შეცვლას.

4. გაფრთხილება პანელზე

თანამედროვე სატვირთო ავტომობილები აღჭურვილია სენსორებით, რომლებიც პირდაპირ აცნობენ მძღოლს სისტემაში პრობლემის შესახებ. თუ შენიშნე გადაცემათა კოლოფთან დაკავშირებული სიგნალი დაფაზე, არ დატოვო უყურადღებოდ.

ზოგიერთი სისტემა პირდაპირ არ მიუთითებს კოლოფზე, მაგრამ აჩვენებს ზოგად "Transmission Fault" ან "Check Engine" შეტყობინებას.

5. მშვიდი მოძრაობის დარღვევა და ვიბრაცია

თუ სატვირთოს მოძრაობისას გრძნობ ვიბრაციას - განსაკუთრებით კი, სიჩქარის გადართვისას - ეს სერიოზული პრობლემის მანიშნებელია.

როგორ უნდა იმოქმედო?

თუ ზემოთ ჩამოთვლილი რომელიმე ნიშანი შენთვის ნაცნობია, ნუ გადადებ, მოიყვანე სატვირთო ვაკო მოტორსში - დროული დიაგნოსტიკა და მაღალი ხარისხის ნაწილების გამოყენება თავიდან აგარიდებს ძვირადღირებულ პროცესებს.