ანტიფრიზი და მისი მნიშვნელობა სატვირთო ავტომობილებისთვის
სატვირთო ავტომობილები ყოველდღიურად გადიან დიდ მანძილებს, ხშირად მოძრაობენ ცვალებად კლიმატურ პირობებში და იმყოფებიან მაღალი დატვირთვის ქვეშ. ასეთ პირობებში ძრავის გაგრილების სისტემა უნდა იყოს საიმედოდ დაცული — სწორედ აქ იწყება ანტიფრიზის როლი.
ანტიფრიზი არის სპეციალური სითხე, რომელიც მიედინება მანქანის ძრავის გაგრილების სისტემაში, იცავს ავტომობილის დეტალებს კოროზიისგან და ეხმარება ძრავს ოპტიმალური ტემპერატურის შენარჩუნებაში როგორც ზამთრის ცივ დღეებში ასევე ზაფხულში გადახურებისგან.
რა ხდება, თუ ანტიფრიზი არ არის სათანადო მდგომარეობაში?
ძრავის სისტემაში არასწორი ან ძველი ანტიფრიზი იწვევს:
• სისტემის გაყინვას ზამთარში
• ძრავის გადახურებას ზაფხულში
• ჟანგის დაგროვებას, რაც აზიანებს რადიატორს და ტუმბოს
• შიდა წნევის მატებას, რაც საფრთხეს უქმნის მილებს და ძრავის ბლოკს
რჩევები სატვირთოს მძღოლებს ანტიფრიზზე:
- დაიცავი მწარმოებლის რეკომენდაცია და ყოველთვის გამოიყენე ერთი ტიპის ანტიფრიზი (სატვირთოებისთვის ყველაზე გავრცელებული
- ანტიფრიზების სახეობებია წითელი, მწვანე, ლურჯი)
- არ აურიო სხვადასხვა ტიპის ანტიფრიზები თუარ გინდა ძრავი დააზიანო (მაგალითად; G11 (მწვანე) და G12 (წითელი)
- შეამოწმე დონე რეგულარულად, განსაკუთრებით ხანგრძლივი გზის წინ
- თუ ანტიფრიზი უცბად აკლდება – შესაძლებელია სისტემა ჟონავს და საჭიროებს შემოწმებას
- რეკომენდებულია ანტიფრიზის შეცვლა ყოველ 1,5-2 წელიწადში ან 100,000 კმ-ზე ერთხელ (დამოკიდებულია სატვირთოს მოდელსა და სისტემაზე)
ანტიფრიზი არ არის უბრალო სითხე – ეს არის ძრავის სიცოცხლის შენარჩუნების მთავარი ელემენტი. მის გარეშე სატვირთო უბრალოდ ვერ გაუძლებს ზამთრის სიცივეს, ზაფხულის სიცხეს და გზის დატვირთვას.
